شپې : لونګ
اخر به رب رڼې کړې دغه تورې تورې شپې
ښکلې به شي ټولې دا بې ستوري ستورې شپې
را به شي په مونږه لالی سپرلی به راشي
په مخه به کې ټولې دغه سپورې سپورې شپې
لمر د خپلواکۍ به وړانګې وړانګې کړې وطن
په مينه به وي مينه ټولې نورې نورې شپې
هر څه رانه غلو يوړل په دې تورو شپو کې
دي په مونږ ديره د ناورين ډيرې ډيرې شپې
را به وړي شمله کې ځلمی د غنم وږی
نه به اړو د چا له ويرې ويرې شپې
مينه وي ، جانان وي يو رنګين غوندې ماښام
ربه را پيرزو کړې هغه تيرې تيرې شپې
يار در سره ژمنه د خوږې بوسې کړې
لونګه * ته ساده يې ورته شميرې شميرې شپې
زيوريخ تريملې
٢٠٠٧/٤/٢١
