غزل
په يوې ښکلې مې نظر پريوتی
په زړه مې دروند غم لکه غر پريوتی
خاونده خير مې د ايمان غواړمه
ورته له لاسه مې کوثر پريوتی
دې د مسيح پيرو ته ګورئ خلکه
زرينې زلفي لکه لمر پريوتی
دا چې په ډيرو رنګو ښکلی ښکاري
اغيز دا ستا پر مازيګر پريوتی
درد دې په زړه راته غاښونه ښخ کړل
په رنګ مې ستا د درد اثر پريوتی
اوتر مې زړه دی زه يې اورم درزا
ستا د ښکلا پرې ستر لښکر پريوتی
ځار له ښکلا دې د ښکلا ملکې
په (لونګ ) ستا ښکلی هنر پريوتی
| 