داولـــــــــــې زه مـــــــــــــــــــــــرم؟؟؟؟؟
داولې زه مرم
هرځلې زه مرم
په څوڅوواره مړ شوم
په څو څو رنګه مړشوم
څومره بدرنګه مړشوم
ـــــــــــــــــــــ
چې روښانفکره شم نړۍ ته لار دسولې ښایم
بیا هم دشرفساد بنیادمې ګڼی
لایق دکفر او الحاد مې ګڼی
خاتمه تش په یو جهاد مې ګڼی

چې دستارونه په سرونو زیات شی
هریو ناویاته پکې بیا رایاد شی
بس مشران تش دعمرونو زیات شی
هریو دستار دافسانې په څېر شی
سم دتجرید دافسانې په څیر شی

په هر دستار کې ورته شر ښکاری
یا علامت د دهشت ګر ښکاری
مرګ مې ددې علاج دارو  وګڼی
یاران مې  جرړه   دا ارزو  ګڼی
چې روښنفکره شم ملحد یادیږم
چې دستاربنده شم مفسد یادیږم
لکه ژوندې چې د چا خوښ نه یمه
څه چل خو دې چې دچا خوښ نه یمه
                        ماښام خټک کراچې