ستا د رڼې هيندارې مخ باندې غبار هم نه يو ته خپه مشي رانه خدايږو دومره خوار هم نه يو دا چې د شونډو له يوه کدډول ځواني ځاروو يو ليونتوب دی کنه ګرانې! ډير خومار هم نه يو ددونيا دا سر او هغه راته ورغوی ښکاري لا خو د زړونو پاچايي لرو ناچار هم نه يو موږ د يوې ژبې ، يوې مينې ، يو زړه خاوندان دوه مخي هم نه يو د کلي يو د ښار هم نه يو اوس هم لويدلي جګوو ورپسې لاس غځوو لا ستړي هم نه يو د چا د اوږو بار هم نه يو له خپل سيتار سره يوه لمن خبرې لرو ډير په کيسه کې د تسبو او د دستار هم نه يو هسې بس کله د دوه سترګو رياضت شروع کړو کنه بلا کارونه نور لرو اوزګار هم نه يو وږي هم نه يو د چا زرو پسې نه ورګورو شر مو هم خوښ نه دی د چا د لارې خار هم نه يو لا خو تر اوسه مو د ښار ډيوو ته سترګې بريښي مونږه له سپين غره راکيوتي ډير په لار هم نه يو هسې بس کله د چا حسن ته ليمه کچکول کړو کنه کيسه کې د سردار او د بادار هم نه يو بس سره خاندو څانګې څانګې درد په زړونو کې وړو د اند ياران يو اړ په شپه او په سهار هم نه يو
