د یوې جنډې لاندې ژوندون په لوري
آزاد خپلواک د پیوستون په لوري
د ترهگرۍ تعریف په دې وطن کښې
مرگ ته بهانه شوه د مظلوم په لوري
دیموکراسي دلته پردیو راوړه
سرونه ټیټ شول د صهيون په لوري
د روڼ اندۍ مانا بل څه راوزي
شو مصلحت تگ د ملعون په لوري
زده د بیان یې آزادي کړه داسې
شوه د دین سپکه د افزون په لوري
غليمه بيا ځکه په ما تیروتې
چې شو نفاق مې ګډ د خون په لوري
دغه خوبونه به دې گور ته یوسې
سنگر مې تود ستا د شړون په لوري
جوړه معمی به شم دنیا کښې بله
پښې دې شوې سستې د پښتون په لوري
وطن لیلا زه یې مجنون وختم
ځکه جذبې مې شوې جنون په لوري
آزاد پیدا آزاد به پایم ضرور
شې به په تیښته پنتاگون په لوري
غزاوي ستا د سختو ټکو انجام
کړي به افغان د يوه پاڅون په لوري
| 