يو ځلي را وګوره دلبر مي که
مينه مي که زړه مي که ځيګر مي که

ځمه په تيارو کي ورکو خلکو ته
ستوري مي که شمس مي که قمر مي که

ښه بې د رقيب په زړه کي ښخ کړمه
مټى مي که زور مي که خنجر مي که

ستا د غاړي هار کي به ځاى ونيسم
لعل مي که ياقوت مي که سره زر مي که

لار کښې مسافر به مړ ومه زه
ښاخ مي که ميوه مي که شجر مي که

غواړم چي په څو رقمه مړ سمه
هوډ مي که فرهاد مي که او غر مي که

ستا دحيدري نارې شاهد به سم
بست مي که ميوند مي که خيبر مي که

زه خوار به ستا سترګي څنګه وستايم
خان مي که حمزه مي که خاطر مي که

ياد به دي پاڅون کړي په غزلو کي
شعر مي که شعور مي که شاعر مي که